3:16 pm - Tuesday January 20, 7914

10 Ciyaaryahan Oo Leicester Ah Oo Fashiliyey Chelsea Iyo Khadkii Tabobare Conte

156 Viewed Aidarous 0 respond
Soccer Football - Premier League - Chelsea vs Leicester City - Stamford Bridge, London, Britain - January 13, 2018 Chelsea's Eden Hazard reacts REUTERS/Peter Nicholls EDITORIAL USE ONLY. No use with unauthorized audio, video, data, fixture lists, club/league logos or "live" services. Online in-match use limited to 75 images, no video emulation. No use in betting, games or single club/league/player publications. Please contact your account representative for further details.

Toban laacib oo Leicester ah ayaa wacdaro ku dhigay dhibicna kala hadhay kooxda kaalinta saddexaad ee Chelsea, iyadoo waliba xataa ay xaq u lahaayeen inay saddexda dhibcoodba kala soo huleelaan garoonka Stamford Bridge.

Naadiga lagu naanayso Dacawooyinka ayaa guud ahaanba maamulka ciyaarta siday doonaan isaga maamulanayay, fursadaha ugu fiicana abuuray, laakiin waxa qaab ciyaareedkoodii kala dhantaalay casaankii lagaga saaray difaacyahan Ben Chilwell wax yar uun kadib isu soo noqodkii qaybta labaad.

Il naxariiseed ayuu ka waayay garsoore Mike Jones daqiiqadii 68 aad markaas uu dhulka dhigay Victor Moses, iyadoo uu wax yar kahor uun xanaaqadeeyey Willian.

Kooxda tabobare Claude Puel ayaa laba goor qarka u saarantay inay dhaliyaan goolal, iyadoo uu labada fursadoodba helay Jamie Vardy, halka fursadii ugu khatarsanayd ee kalena ay ahayd madaxii uu Wilfred Ndidi ku ganay shabaqa, balse uu sida jirjiroolaha isaga saaray Thibaut Courtois.

Chelsea waxay isku dayaysay inay baasas gaagaaban goolka ku tagto. Cesc Fabregas ayaana laba kubaddood oo khatar u muuqday ganay – kuwaas oo uu ku tijaabiyey goolwade Kasper Schmeichel – daqiiqado ka hor dhamaadkii, goolwadaha reer Denmark wuxuu dibada dhigay laag xor ah oo uu ganay Marcos Alonso.

Dhar buluuglaydu waxay hadda dhibcaha kala siman yihiin kooxda kaalinta labaad ee Manchester United, oo Iyadu Isniinta ciyaaraysa.

Halka Leicester ay 31 dhibcood ku fadhido kuna negaatay kaalinteedii siddeedaad.

Don't miss the stories followCadalool and let's be smart!
Loading...
0/5 - 0
You need login to vote.

Premier League Iyo Maanta: Chelsea Oo Dhaafi Weyday Leicester, West Brom Oo Dhadhamisay Guul Ay Mudo U Heelanayd

Villarreal Oo Guul Taariikhi Ah Ka Gaadhay Real Madrid, Zidane Oo Jar Ka Laallaada Iyo Los Blancos Oo Halkii Ugu Liidatay Maraysa

Related posts
Your comment?
Leave a Reply

Facebook Auto Publish Powered By : XYZScripts.com