25-sanno ka hor maanta oo kale maxaa ka dhacay Kubadda Cagta?

25-sanno ka hor maanta oo kale 96 qof oo taageerayaal kubadda cagta ah ayaa ku geeriyooday musiibadii Hillsborough, markii ay u soo daawasho tageen ciyaartii Semi final-ka FA Cup taasoo u dhaxaysay kooxaha Liverpool iyo Nottingham Forest.

Dhammaan 96 qof way geeriyoodeen oo uma aanay  laaban guryahooda iyagoo bad qaba, waxaana sidoo kale dhacdadaas ku dhaawacmay taageerayaal gaadhaya 766 qof.

Musiibadu waxa ay ka dhacday garoonka Hillsborough ee kooxda Sheffield, waxaana kooxda Liverpool ay u sameyneysaa maanta taageerayaashaas geeriyooday baroordiiq ballaadhan.