2:56 pm - Saturday July 29, 2017

Arsenal Oo Ku Durdurisay Basel Iyo PSG oo Guul-sahlan gaadhay

Aidarous

arsenal

Theo Walcot ayaa laba gool u dhaliyey kooxdiisa Arsenal ciyaar ka tirsan tartanka Champions League marxaladdiisa koowaad ee hormooyinka oo ay isku haleeleen Basel.

Gunners waxay ku qaadatay inay hoggaanka ciyaarta qabato lix daqiiqo oo kaliya, markaas oo weeraryahanka Sanchez uu kubbad dhinaca uga soo jebiyey Walcott oo isna madax ku dhaliyey.

Ciyaartan oo ay ka muuqatay inay si aad ah isugu xidhan yihiin Walcott iyo Sanchez, ayna u dheerayd dardar iyo in hadafkoodu ahaa inay dawakhiyaan difaaca ka soo horjeeday, ayaa waxay mar kale hoggaanka sii dheeraysatay daqiiqaddii 26aad oo mar kale uu Theo Walcott goolka labaad dhaliyey, iyadoo kubaddana uu ka helay Alexis Sanchez.

Arsenal oo ciyaarta inta badan gacanta ku haysay, ayaa waxa goolal badan u diiday inay dhashadaan goolhaye Tomas Vaclik oo ahaa ciyaartoyga ugu wanaagsan xiddigaha Basel, laakiin kooxda kale lafteedu marbay goolka u dhowaatay, laakiin Birkir Bjarnason ayaa khasaariyey.

Arsenal waxay ku jirtaa kaalinta labaad ee groupkan iyadoo ay isku dhibco yihiin PSG oo 3-1 kaga adkaatay Ludogorets Razgrad oo ay marti u ahayd. Dhibco ahaan waa isku mid PSG iyo Arsenal, laakiin goolasha ayaa ay ku kala badan yihiin.

Arsenal iyo PSG waxay leeyihiin min shan dhibcood, Basel iyo Ludogorets Razrad waxay leeyihiin min hal dhibic.

 

Don't miss the stories followCadalool and let's be smart!
Loading...
0/5 - 0
You need login to vote.

Antonio Conte Oo Sheegay Inaanu Ka Seexan Guuldarooyinkii Todobaadyadan Soo Gaadhay Kooxdiisa Chelsea

Celtic Oo Lugaha Isaga Duubtay Manchester City Iyo Barcelona Oo Dirqi Ku Dhaaftay Monchengladbach

Related posts
Comments are closed
Facebook Auto Publish Powered By : XYZScripts.com
%d bloggers like this: