11:38 pm - Sunday July 23, 2017

Chelsea Oo Ay Ka Dhaawacmeen Petr Cech Iyo Terry – Difaacna Ku Muquunisay Atletico Madrid

Aidarous

In kastoo dhaawac dartii dibada looga saaray goolwade Petr Cech iyo difaac yahan John Terry, hadana farsamada difaaca ku dhisan ee tababare Jose Mourinho ayaa lama dhaafaan ku noqotay weeraryahanada halista ah ee Atletico Madrid oo gurigooda Vicente Calderon lagu ciyaarayay caawa.

Mark Schwarzer ayaa soo gallay ciyaarta, markii uu dhaawacmay goolwade Cech, oo ninkii bedelkiisa ku qornaa ee Thibaut Courtois , uu ka soo horjeeday, kaas oo amaah kula jooga Atletico Madrid – .

Kabtan John Terry ayaa sidoo kale ciyaarta oo ay ka dhiman tahay 18 daqiiqo dibada loo saaray, dhaac lugta ka soo gaadhay darteed, laakiin waxaas oo dhami ma noqon kuwo ka caawiya kooxda martida loo ahaa ee Atletico inay u suurto gasho gool dhalini.

Tababare Diego Costa ayaa lagu qasbay inuu aamino natiijada 0-0 ka ah ee ciyaartu ku dhamaatay isla markaana si weyn isugu diyaariyo kulanka dambe ee ay Stamford Bridge booqanayaan.

Chelsea ayaa gacan saraynta leh kulanka dambe ee Arbacada loogu tagayo garoonkooda , laakiin nasiib darro , waxaan soo xaadiri doonin, marka lagu darro dhaawaca Cech, Terry, laacibka Difaaca ee Frank Lampard, oo qaybtii dambe ee ciyaarta Calaamada huruuda ah ee digniinta la siiyey.

Sida Lampard, oo ka ka badbaaday in digniin labaad la siiyo kubad gacanta kaga dhacday oo aanu garsoorku arkayn darteed , waxa isna kaadh ka digniinta ah la siiyey John Obi Mikel oo kulanka labaad ka maqnaanaya.

Kulanka Is araga labaad ee labada naadi ayaa ka dhacaya garoonka Stamford Bridge ee magaalada London, bisha April 30-keeda, kaas oo midkii badiyaa ciyaarta koobka Champions League, la ciyaari doono ka soo baxa labada kooxood ee iyaguna Finelka u hirdamaya ee Bayern Munich ama Real Madrid.

Don't miss the stories followCadalool and let's be smart!
Loading...
0/5 - 0
You need login to vote.

Vincent Kompany Oo Laba Maqaaxiyood Oo Ciyaaraha Lagu Daawado (Sports Bar ) Ka Furtay Wadankiisa Belgium

Website-ka Man United Oo Hawada Ka Baxay Markii Lagu Qorey Warka Ina La Eryey Tababare David Moyes

Related posts
Comments are closed
Facebook Auto Publish Powered By : XYZScripts.com
%d bloggers like this: