Ciyaaryahan ka tirsan kooxda Barcelona Oo Tababare Martino ku tilmaamay Fulay

Kooxda Barcelona oo xiligan maraysa meel aad u xun, kadib markii toddobaad gudihii ay ku weyday laba koob, sidoo kalana uu mugti galay horyaalka La Liga, ayaa warar soo baxay waxay sheegayaan in mushaakilaadku gaadhay qolka labiska kooxda.

Jariirada Sport oo kasoo baxda gobalka Catalonia, ayaa daaha ka qaaday in  muran weyn uu dhax maray Tata Martino iyo Alex Sanchez, kadib fiinaalka Copa del Rey, iyadoo laacibka reer Chile uu ka cadhoodhay in ciyaaraha ugu muhiimsan xili ciyaareedkan aan la safin.

Alex kuma soo bilaaban fiinaalki koobka Boqorka, laakiin waxaa la keenay daqiiqadihii ugu dambeeyay arintaas ayuuna ka xanaaqay.