Costa Rica Oo Ku Tumatay Uruguay

Xulka qaranka Costa Rica ayaa dhirbaaxo ku dhuftay oo ka yaabiyey xulka qaranka Uruguay , kagana badiyey 3-1 , ciyaartii koowaad ee Group D ee caawa.

Rigoodhe madi ah oo uu dhaliyey Edison Cavani oo ay hogaanka ku qabatay Uruguay kadib dib looma arag ee ciyaarta waxa la wareegtay Costa Rica oo u muuqatay mid koobka aduunka si fiican ugu soo diyaar garowday .

Goolkii barbardhacana waxa shabaqa u dhigay weeraryahanka naadiga Arsenal ee Joel Cambell, waxaana u labeeyey Oscar Duarte kubad madax ahayd , Uruguay waxay qoosatay oo u saddexeeyey Marco Urena, iyagoo indhohoodu shan yihiin.

In kasta oo uu ka fadhiyey oo dhaawac kaga maqnaa Suarez hadana xulka Uruguay , jamaahiirtiisii way u dhamayd ,oo waxaa meesha marayay Forland , Cavani iyo xidigii caanka ahaa ee xulka oo dhamaystiran, laakiin ma noqon kuwo ka difaaca , xulka aan awooda badan laga filayn ee Costa Rica.

Aakhirkii Uruguay oo xanaaqday waxaa kaadhka casaanka ah laga siiyey Maxi Parriera, ciyaartiina waxay ku dhamaatay 3-1 ay guushu ku raacday Costa Rica.

Group D oo ay ku wada jiraan , Uruguay, Costa Rica, England iyo Itlay , ayaa ciyaarta kale ee mardhow waxaa fooda isku dari doona laba xul ee awooda Badan , Ingiriiska iyo Talyaaniga…..

 

Don't miss the stories followCadalool and let's be smart!
Loading...
0/5 - 0
You need login to vote.

Mourinho wuu ku saxsanaa Bedelkii Casillas – Maradona

Dhakhtarkii Xulka England Oo Ku Dhaawacmay Damaashaadkii Goolka Daniel Sturrigde

Related posts
Comments are closed
Facebook Auto Publish Powered By : XYZScripts.com