De Gea + £175million = Ronaldo – Manchester Oo Dalab Qaali Ah Hor-dhigtay Real Madrid

Manchester United ayaa dalab qaali ah u dirtay Real Madrid si ay ugu ogolaato saxeexa Cristiano Ronaldo oo doonaya inuu dib ugu laabto Manchester United, kaddib markii uu go’aan ku gaadhay inuu ka tago Real Madrid.

Manchester United ayaa usoo bandhigtay Real Madrid inay qaadato goolhaye David de Gea oo ay kooxda Spain in badan raadinaysay iyo lacag dhan £175million , isla markaana si si rasmi ah ugu wareejiso Ronaldo.

Kooxda Mourinho waxay doonaysaa in goolhayaheeda koowaad oo u hanqal-taagaya Madrid uu qayb ka noqdo heshiiska dib loogu soo celinayo Ronaldo, hase yeeshee, waxa la sugayaa in go’aankaas ay jawaab ka bixiyaan masuuliyiinta Real oo horeba ugu sheegay Ronaldo in aanay khasab ku haysan doonin, kaddib markii uu ka gadooday dacwad la xidhiidha lacago uu kala baxsaday waaxda cashuuraha Spain.

Ronaldo ayaa dalabyo ka helay kooxo ka dhisan waddanka China iyo PSG oo lacag badan haysata, hase yeeshee, sida ay khubrada ciyaaruhu sheegayaan Ronaldo waxa uu doonayaa inuu ku laabto Manchester United oo siddeed sannadood ka hor uu uga wareegay Real Madrid.

Xili ciyaareedkan waxa uu u dhaliyey Los Blancos 55 gool, waxaanu kula guuleystay horyaalka iyo Champions League halka waddankiisa Portugal uu u qaaday Euro 2016 badhtamaha sannadkii hore.

United waxa kale oo ay doonaysaa weeraryahanka Real Madrid ee Alvaro Morata, kaas oo wakhti horeba la sheegay inay heshiis shakhsi ah wada gaadheen, hase yeeshee lama hubo sida uu xaalku noqonayo haddii ay hesho Cristiano Ronaldo.

News Feed
Don't miss the stories followCadalool and let's be smart!
Loading...
0/5 - 0
You need login to vote.

WWE Money In The Bank 18 June 2017 Full Show

Goolhaye Donnarumma Oo Loogu Hanjabay Dil iyo Nin Garoonka Ugu Soo Galay Oo Lacag Ku Daadiyey

Related posts
Comments are closed
Facebook Auto Publish Powered By : XYZScripts.com