Barcelona ayaa dhulka la dhacday kooxda Sevilla oo ay marti ugu ahayd garoonkeeda Ramón Sánchez Pizjuán.

Goolal ay u kala dhaliyeen Messi iyo Suarez ayaa soo af jaray inay ka daba yimaadaan oo ay u horseedaan kooxda lagu naanayso the Blaugrana in laba dhibcood ay u jirsadaan kooxda hogaanka haysa ee Real Madrid.

barcelona_1

Barcelona ayaa lagaga naxsaday gool daqiiqadii 15 aad ee ciyaarta qaybtii hore uu Sevilla u saxeexay Vitolo, laakiin Lionel Messi ayaa qaybtii horeba dhamaadkeedii goolka bareejaha ah u saxeexay Barca.

isu soo noqodkii daqiiqadii 61 aad, ayuu Luis Suarez goolka Guusha Barcelona u saxeexay, waxaanay sidaas ku yeelatay 25 dhibcood, halka Real Madrid oo fiidnimadii isla habeenkan 3-0 ku dirtay naadiga Leganes, ay ka leedahay 27 dhibcood.