modric

Xiddiga khadka dhexe ee reer Croatia Luka Modric ayaa ku guuleystay laacibka bisha ee kooxda Real Madrid, isaga oo abaal-marrintan ku garaacay 4-laacib oo la tartamayay.

Taageerayaasha kooxda Real Madrid ayaa u doortay mishiinka khadka dhexe Luka Modric laacibkii ugu fiicnaa Real Madrid bishii dhammaatay ee September.

Luka Modric ayaa ka dul-qaaday abaal-marintan 4-ta ciyaartoyda ee kala ah Marco Asensio, Toni Kroos, Alvaro Morata iyo Marcelo.

Waxaa xusid mudan in weerarka Real ee lagu naaneyso BBC aanay soo ban-dhigin qaab ciyaareed fiican bishii dhammaatay, taas oo keentay in laga reebo inay u tartamaan abaal-marrintan.