Laacibka khadka dhexe uga ciyaara Arsenal ee Mesut Ozil ayaa weydiistay kooxdiisa in loo keeno ciyaartoyga kooxda Wolfsburg ee Jualian Draxler oo la sheegay inuu ka tegayo kooxdiisa bisha January ee foodda inagu soo haysa marka uu furmo suuqa kala iibsiga ciyaartoygu.

Ozil ayaa u sheegay Arsenal in Draxler oo 23 jir ah in lagu soo daro Arsenal, ka hor inta kooxaha kale ee Paris Saint-Germain iyo naadiyo kale oo raadinayaa aanay gacanta ku dhigin.

Warbaahinta Faransiiska ee RMC Sport, ayaa sheegtay in PSG ay doonayso in bisha January ay soo iibsato 23 jirkan, laakiin Ozil oo la filayo inuu heshiis cusub u saxeexo Arsenal ayaa doonaya inay u wada ciyaaraan Gunners, is fahamkooduna wanaagsanaan doono maadaama ay wakhti kuw ada qaateen xulka qaranka Germany.

Ozil ayaa waxa ka hadhsan qandaraaska uu kula jiro Arsenal 18 bilood, waxaana uu doonayaa in heshiiska uu u kordhiyo haddii loo kordhiyo mushaharka uu qaato wakhtigan.