Ramos: “Guul Ayaanu u Qalmaynay”

Difaacyahanka Real Madrid ee Sergio Ramos ayaa ka hadlay ciyaartii ay barbar dhaca wada galeen Barcelona iyo Real Madrid ee ku dhamaatay 1-1, taas oo daqiiqaddii u dambaysay uu Ramos goolka barbar dhaca ah u dhaliyey kooxdiisa.

Ramos waxa uu sheegay in kooxdiisu ay u qalantay inay saddexda dhibcoodba qaadato, ayna ka ciyaar wanaagsanayd Barcelona.

“Kooxdu si fiican ayey u shaqaysay, si adag ayey u dedaashay, laakiin natiijadu, sida aan anigu ciyaarta u akhriyey, may ahayn xaq. Qaybtii hore waxa aanu helnay fursado badan oo goolal ah ayaanu helnay, laakiin kamaanu faa’iidaysan.” sidaas ayuu yidhi Ramos oo ka hadlayey sidii ay kooxdiisu u ciyaartay.

“Shaqadayadii badnayd, kumaanu helin abaalmarintii aanu u qalanay. laakiin, dhibicdu wax la’aanta ayey dhaantaa.” ayuu mar kale yidhi Ramos.

Ramos waxa uu falan-qayn ku sameeyey farqiga dhibcaha ay kooxdiisu ku hoggaaminayso horyaalka LaLiga, waxaanu sheegay inay yihiin lix dhibcood oo ay ku heleen dedaal badan.

30 jirkan kabtanka u ah Real Madrid waxa kale oo uu tibaaxay in labada kooxood ee Real Madrid iyo Barcelona ay ku dedaalayeen in mid walba uu ciyaarta maamulo.

 

News Feed
Don't miss the stories followCadalool and let's be smart!
Loading...
0/5 - 0
You need login to vote.

Dhibaneyaashii Kooxda Chapecoense : Premier League Oo Barroor-diiq U Sameeyey

Suarez Oo Calaacal Kaga Jawaabay Barbar-dhacii Real Madrid

Related posts
Comments are closed
Facebook Auto Publish Powered By : XYZScripts.com