RASMI: Xidhiidhka Kubadda Cagta Qaaradda Yurub UEFA Oo Xoghaye Guud Oo Cusub Loo Magacaabay

xag

Xidhiidhka kubadda cagta qaaradda Yurub ee marka magaciisa la soo gaabiyo la yidhaahdo UEFA, ayaa xaqiijiyey goor dhaweyd in si joogto ah loogu doortay xoghayaha guud ee xidhiidhka Mr. Theodore Theodoridis oo xilkaas si ku-meel-gaadh ah u hayey.

UEFA ayaa si joogto ah xoghayeheeda guud uga dhigtay Mr. Theodore Theodoridis, waxaana xilkaas si ku-meel-gaadh ah loogu dhiibay markii uu booskaas banneeyay madaxweynaha haatan ee FIFA Mr. Gianni Infantino.

Ninkan Giriigga u dhashay ee Mr. Theodore Theodoridis ayaa xidhiidhka UEFA ku soo biiray sannadkii 2008-dii, haatan ayuuna xidhiidhka UEFA shaaciyey in Theodoridis uu si joogto ah u noqon doono xoghayaha guud ee xidhiidhka, ku-meel-gaadhkiina ka baxay.