Shil Dhaawacyo Sababay Oo Ka Dhacay Xerada Tababarka Xulka Germany

Tiraba saddex qof ayay dhaawacyo kala duwani ka soo gaadheen shil ka dhacay, xayaysiis Telefishan oo lagu samaynayay xarunta ama xerada tababarka ee xulka qaranka wadanka Germany , maalintii shallay.

Dhacdadan ayaa timid kadib markii dirawalka tartamada baabuurta Mercedes ee shirkada DTM, Mr Pascal Wehrlein,uu jiidhay laba xubnood oo dadkii daawadayaasha ahaa ee madasha ku sugnaa kamid ah.

Ciidmada nabad galyada ee Police-ka ayaa xaalada labada qof ku tilmaamay in dhaawacoodu aanu sidaas halis u ahayn , isla markaana dhakhtarka la dhigay oo lagu dawaynayo.

Wararka ay warbaahintu hellayso ayaa sheegaya in difaacyahanka kooxda Schalke iyo xulka Germany ee Benedikt Howedes uu baabuurka shilka geystay gudihiisa ku sugnaa markii falku dhacayay , laakiin uu ka soo degay baabuurka isagoo aan wax dhaawac ah qabin.

Warsaxaafadeed ay soo saartay shirkada samaysa baabuurta Mercedes, oo ah cida maalgalinta ugu badan siisa xulka qaranka Germalka ayaa u qornaa sidan: “Intii aanu ku gudo jirnay booqashadii aanu ku tagnay xerada tababarka xulka Germany , waxaa dhacay shil baabuur oo wadaha DTM ee Pascal Wehrle uu ku dhaawacay laba qof oo jidkii uu ordayay baabuurku aad ugu soo dhawaaday.

“Ma sheegi karno faahfaahin inta uu leeg yahay dhaawaca labada qof , laakiin labadoodaba waxa loo qaaday dhinaca cusbitaalka oo ay dhakhaatiirtu ku dabiibayaan. Pascal Wehrlein sidoo kale wuu dhaawacmay.

“Waanu qoomamaynaynaa shilkaasi, dadka ku dhaawacmayna waxaanu u rajaynaynaa caafimaad san.

“Dabcan, waanu ka caawin doonaa dawladda baadhista sababtii shilka keentay.”

Don't miss the stories followCadalool and let's be smart!
Loading...
5/5 - 1
You need login to vote.

Ronaldo Oo 3 Cisho Kadib Uga Mahad Celiyey Rooney Taageeradii Finalka Champions League

Tottenham Oo Tababare Cusub Loo Dhiibay

Related posts
Comments are closed
Facebook Auto Publish Powered By : XYZScripts.com