1:24 pm - Saturday June 24, 2017

Tababarihii Ugu Horeeyey ee Ajanabi Ah ‘Van Gaal’ Oo Si Rasmi Ah Loogu Magacaabay Tababaraha Cusub Ee United

Aidarous
Luis Van Gaal
Luis Van Gaal oo Loo Caleemo Saaray Tababaraha Cusub ee United

Manchester United ayaa tababareheeda cusub si rasmi ah ugu magacawday Louis van Gaal kadib erigii tababarihii hore ee kooxda shayaadiinta dharka cas ee David Moyes oo bishii hore laga caydhiyey garoonka Old Trafford.

Tababare Van Gaal ayaa isla markii lagu dhawaaqayba bushaaro u diray taageeryaasha kooxda Unite, una sheegay in gacmaha oo ay is qabsadaan kali ahi ka xigto inay taariikh cusub kooxda u horseedaan.

‘Naadigani ujeedooyin waaweyn buu leeyahay. Aniguna sidoo kale ujeedooyin waaweyn baan leeyahay. Wadajir oo aan u midayno ka midhadhalinteeda, waxaan hubaa inaan taariikh dhigi doono.’ Ayuu yidhi Luis Van Gaal, tababaraha cusub ee naadiga Manchester United.

Khabiirka reer Holland ayaa qalinka ku duugay heshiis saddex sanno ah oo uu joogi doono Old Trafford, waxaana nasiib wanaag ku xigeen looga dhigay Ryan Giggs, tababarihii kumeel gaadhka ahaa ee kooxda United, isla markaana ku dhawaaqay inuu kubada cagta ciyaaristeeda ka fadhiistay laakiin uu aqbalay inuu caawiye u noqdo tababare Van Gaal.

Frans Hoek iyo Marcel Bout ayaa iyagana loo caleemo saaray labada caawiye ee kale ee Tababare Luiz Van Gaal.

Luis Van Gaal oo wakhti xaadirkan hor kacaya xulka qaranka wadanka Holland ee ka qayb gallaya koobka aduunka sanadkan lagu qabanayo wadanka Brazil ayaa noqon doona tababarihii ugu horeeyey taariikhda kooxda Manchester United ee Ajanabi ah ama aan u dhallan wadan weynaha Britain.

Don't miss the stories followCadalool and let's be smart!

Darbiga Garoonka Osasuna Oo Dumay & 68 Taageere Oo Dhaawacyo Soo Gaadheen

Xulka qaranka Ingiriiska oo diyaarada saaran

Xulka Qaranka England Oo u Duulay Portugal oo Ay Tababar Ku Qaadanayaan

Related posts
Comments are closed
Facebook Auto Publish Powered By : XYZScripts.com
%d bloggers like this: