10:12 am - Wednesday June 28, 2017

Waa La Joogaa Wakhtigii Uu Blatter Kursiga FIFA Banayn Lahaa – Gudoomiyaha Xidhiidhka Kubada Cagta Holland

Aidarous

Gudoomiyaha xidhiidhka kubada cagta wadanka Holland, Michael van Praag  ayaa ka dhawaajiyey in la gaadhay xiligii uu jagada madaxweynenimo ee FIFA banyan lahaa Sepp Blatter.

Van Praag ayaa ku adkaystay in sawirkii FIFA ee uu mugdi sii gallayay tan iyo maalintii uu kursiga madaxweynaha ururka ku fadhiistay Blatter , loona baahi qabo inuu shaqada isaga tago oo u baneeyo cid kale oo soo celisa sumcadii ururka kubada cagta aduunka.

“Haddii aad 16 sanno ku fadhiday , bal adiguba isweydiiyoo maxaa kuugu hadhay,” ayuu gudoomiyaha xidhiidhka Holland ku yidhi waraysi uu siiyey waregyska Volkskrant oo ka soo baxa wadanka Holland.

“Sawirkii Fifa laga haystay hoos uunbuu u sii socdaa sumcadiisu sanadahan u dambeeyey. Dadka qaar baaba leh wuu burburay. Waxba kuma fila inaad iska sii fadhido. Blatter ayaana dhab ahaan ah qofka ka masuulka ah arintaasi.

“Anigu shaqsi ahaan waan jeclahay isaga. Laakiin shaqada ayay ka mid tahay in la is dhalliilo oo la isku eedeeyo wixii xumaada markaad adigu gudoomiyihii tahay. Marka xaal halkaas marayana. Waa inaad qaadaa talaabada masuuliyadaadu ku farayso.

“Waxaan rajaynayaa in Uefa maanta (Shallay) soo saari doonto war murtiyeed ay kaga hadlayso isa soo sharaxidiisa markale uu isa soo taagayo.”

Gudoomiyaha xidhiidhka kubada cagta aduunka ee FIFA, Sepp Blatter oo jagadan kala wareegay bishii June ee sanadkii 1998 kii , gudoomiyihii hore ee xidhiidhka mudane Joao Havelange, ayaa dhawaan daboolka ka qaaday inuu markii shanaad u sharaxan yahay jagadan , doorashada 2015 ka.

Odaygan 78 jirka ah, ayaa la kulmayay dhaliilo xoog leh mudooyinkii u dambeeyey , kuwaas ku eedaynayay wax is daba marin iyo musuq baahsan oo Fifa samayso, waxaanay arintani cirka ku laalantay markii uu soo baxay warka sheegaya in Laaluush ay bixisay dowlada Qadar loogu abaal mariyey marti gallinta koobka aduunka ee sanadka 2022 ka.

Don't miss the stories followCadalool and let's be smart!

Kooxaha AS Roma iyo AC Milan Oo heegan ugu jira laacib ka tirsan  kooxda Valencia

Maradona Oo Sheegay In Xulka Germalku Noqon Doono Wadankii 1 aad ee Yurub Ah Ee Qaarada Amerika Koobka Ku Qaada Sanadkan

Related posts
Comments are closed
Facebook Auto Publish Powered By : XYZScripts.com
%d bloggers like this: