sera

Madaxa garsoorayaasha Marcello Nicchi ayaa xaqiijiyey in Serie A ay bilaabi doonaan muuqaallada ku celiska ah (Video Replays) oo ay garsoorayaashu isticmaalayaan markii ugu horreysay, gaar ahaan 2-da kulan ee Torino-Fiorentina iyo Milan-Sassuolo oo dhacaya toddobaad-dhammaadkan.

Hannaankan oo loo yaqaanno Video Assistant Referees (VAR) ayaa markii ugu horreysay loo adeegsaday kulankii ay Faransiisku 3-1 kaga badiyeen Italy ee dhacay bilowgii bishan Septembar, haatanna Nicchi ayaa sheegay in Tiknolojiyaddani ay diyaar u tahay in lagu tijaabiyo Calcio.

“VAR waxaa Axadda lagu bilaabi doonaa Torino-Fiorentina iyo Milan-Sassuolo, balse waa tijaabo uun, Axad kasta, waxaannu hannaankan ku eegi doonnaa 2-3 kulan, iyadoo garsoorayaasha lakala bedeli doono, qaarna ay shaashadda ka eegi doonaan, balse wax kasta waa khad-maqan (Offline).” ayuu yidhi madexwaynaha AIA ee Nicchi oo la hadlayay Radio Crc.