1:18 pm - Saturday June 24, 2017

Zabaleta Digniin : Manchester City Waa Inaanaan Xataa Barbar dhac Ka Ogolaan Liverpool

Aidarous

Pablo Zabaleta ayaa ugu baaqay xidigaha ay Manchester City u wada ciyaaraan , inay ka digtoonaadaan kulanka Axada , kuna booriyey in guul ay Liverpool ka gaadhaan oo kali ahi ka xigto Horyaalka.

Difaacyahanka reer Argentina ayaa diidan in xataa barbar dhac ay la gallaan Liver ay ku keeni  karto dhibaato ka qabsata hiigsigooda hogaanka horyaalka Ingiriiska, una arka Kulanka Anfeild inuu yahay furaha guusha, sidaas darteedna ay tahay in laacibiinta City culayska saaraan kaliya guul.

“Waa inaan tagnaa oo isku daynaa inaan guulaysano kulanka  Liverpool,” ayuu ciyaaryahankan 29 jirka ahi ku yidhi , war lagu baahiyey shabakada internetka ee khaaska u ah Man City.

“Waxaa noo baaqi ah todoba ciyaarood oo adag, laakiin waxaan ognahay inay tahay (Liverpool) naadi dagaal xoog badan ugu jira horyaalnimada. Taas ayaana ciyaarta sii adkaynaysa; waa inaan meel ku hubsanaa guul aanu ka gaadhno oo kaliya.”

“Waynu eegi doonaa haddii kooxo kale dhibco fiicaan urursadaan, laakiin arinka ugu muhiimsani waa inaan guulaysano,”ayuu yidhi.

Yaya Toure ayaa ah ciyaaryahanka kaliya ee wakhti ka badan inta Zapaleta u saftay City, xidiga reer argentina wuxuu maanka ku hayaa muhiimada ciyaaryahan Toure ee ciyaarta Anfeild, kaas  oo ku sigtay in casaan la siiyo kadib markii uu xanaaqad fool xun sameeyey kulankii  Southampton.

“Waa noo laf-dhabar aanaan ka maarmin,” ayuu Zapaleta yidhi , waxaanu intaas ku daray. “Guuldaro weyn ayay noo ahaan lahayd haddii aanu waayi lahayn isaga ciyaar ta Liverpool oo kale ah.

“Wuxuu in yar kaga baxsaday huruud labaad oo la siiyo nasiib wanaagse lama siinin.”

Don't miss the stories followCadalool and let's be smart!

Bayern Munich Oo Walaac Weyn Ka Muujisay Khadkeeda Dhexe ee Sii Faaruqaya

Cagliari Oo Eriday Tababare Diego Lopez

Related posts
Comments are closed
Facebook Auto Publish Powered By : XYZScripts.com
%d bloggers like this: