Koox sabab la Yaab leh loogu diiday ka qaybgalka Europa League & Mulkiilaha kooxda Oo furka tuuray

Parma ayaa ku khasaartay rafcaan ay ka qaadatay go’aankii uu xidhiidhka Talyaaniga ee FIGC uu ugu diiday liisankii  ay kaga  qaybgeli lahayd ciyaaraha UEFA xilli-ciyaareedka soo aadan.

Maxkamadda sare ayaa maanta ku dhawaaqday inuu xukunku sidiisii u taagnaan doono iyadoo Parma lagu qabsaday inay lasoo daahday oo aysan waqtigii loogu tala galay bixinin biilasha ku aadan qaadashada laysinka UEFA. Sidaa darteed Torino oo kaalinta ku xigta joogtay, isla markaana koobka seegtay isla laadkii ugu dambeeyay ee horyaalka Talyaaniga oo ay rigoore iska khasaariyeen ayaa booskaasi qaadanaysa “Waxaa aad ii murugo gelinaya hanaanka isboorti ee dalka iyo go’aanka laftiisa lagana yaabee inay iga dhaadhiciyeen inaan ciyaarahaba iskaga tago.” Ayuu yidhi gudoomiya Parma ee Tommaso Ghirardi oo aad uga xanaaqsan go’aanka.